当前位置: 主页 > 评论现实 >澳门凼仔歎中菜Dining娜 >

澳门凼仔歎中菜Dining娜

点赞:377 时间:2019-05-22 阅读量:145

澳门凼仔歎中菜Dining娜

(Presented by 帝影楼)

今个农曆年请2日放足9日假,有机会多几日relax下,娜姐我又点会错过?况且好耐无同爹哋妈咪去旅行喇,一于趁呢个机会去转澳门,玩番几手发个新年财之余,当然唔少得食好嘢啦!

难得同两老食饭,点可以随随便便?好彩我喺澳门都有啲connection,问一问朋友边度有唔错嘅粤菜,好多人都即刻推荐呢间帝影楼!呢间唔嘢少呀!係2016年米芝莲推介餐厅之一,佢哋啱啱仲重新设计餐牌同换咗新嘅瓷器餐具,令成间粤菜馆嘅格调再昇华!讲到咁grand,就去试试佢!

去到帝影楼,午市时间啱啱开始。见到餐馆嘅设计明显花咗好多心思,以红色、金色同白色作主色调,好stylish咁用咗水帘同大型圆形吊灯营造间隔,有中国风之余,又唔老套!

澳门凼仔歎中菜Dining娜
由地毯到餐具,你会搵到好多云同鹤嘅身影,令餐馆华丽风格更加突出。
澳门凼仔歎中菜Dining娜
连餐具都印有鹤嘅图案。

餐厅对住澳门半岛,一路享用美食,一路欣赏个靓view,真係无敌!事不宜迟,食咗先讲!食粤菜,点可以无点心?

首先嚟个正宗菠萝包,菠萝包皮有粗粒砂糖,咬落去係阵阵香脆嘅甜味。包馅入面唔单止奶滑,仲有菠萝肉粒,Surprise!

澳门凼仔歎中菜Dining娜
迷你菠萝包

唔可以放弃任何一个养颜嘅机会!食过花胶都知,本身佢嘅味道比较淡,但呢一碟菜完全嚟个大反转!麵条同花胶都非常入味,问一问先知,原来师傅用咗鲍汁腌製,而且麵条仲要自家製,宽度同韧度都perfect池!

澳门凼仔歎中菜Dining娜
姜葱虾子花胶捞麵

餐馆招牌菜又点可以miss?见师傅推架餐车出嚟嗰时,真係一头雾水,心谂唔係唱Happy Birthday呀?Oh My God!原来係即刻喺你面前火焰烧,现场表演show time!

澳门凼仔歎中菜Dining娜
火焰黑豚叉烧

黑豚叉烧採用西班牙黑毛猪,经过海盐同玫瑰酒腌製,令肥美叉烧有一阵淡淡嘅酒香。

澳门凼仔歎中菜Dining娜
焰烧令叉烧皮薄脆,淋埋新西兰出产蜜糖,香口加甜蜜,简直係绝配!

唔好以为係中式甜品好老套,帝影楼将传统甜品再打造,融入西式风格,十分有创意!

澳门凼仔歎中菜Dining娜
南瓜流沙球配核桃雪糕及五香脆饼

外形非常可爱,鹹水角质感嘅外皮,又脆又烟韧。一啖咬落去,南瓜馅随即流出嚟。夹埋市面罕有嘅核桃雪糕同脆饼,冷热口感都有,完全满足到甜品控嘅诉求!

澳门凼仔歎中菜Dining娜
有机蛋白杏仁茶

好多人都知杏仁有保健功效,但佢个味道就未必人人顶得顺!呢款杏仁茶真係零舍唔同,师傅同团队由拣选杏仁,到调校蛋白同杏仁嘅比例,足足用咗成半年时间。保留杏仁味清香,亦有蛋白嘅细滑,无杏仁露咁杰,更易入口!

帝影楼果然无令人失望,每道菜式都好有层次感,完全感受到师傅嘅心思,喺视觉同味觉上都有惊喜带俾食客!

都係全靠啱啱帮我地即场烧黑豚叉烧嘅师傅-添哥,原来佢係帝影楼总厨,有超过24年入厨经验!参加过好多中餐厨艺比赛,获奖无数,仲通过国家职业资格考试一级认证,成为澳门少数攞到中式烹调高级技师专业资格嘅其中一人!佩服!佩服!

我仲8到餐馆会定期更新餐牌,下次再嚟澳门,一定要同班姊妹再试过!

网址

地址:澳门花城区广东大马路新濠锋11楼

联络电话:(853) 2886 8868

相关文章